|
  Дуучин
Жастин Бибер нэг биш удаа дэлхийн шилдэг залуу дуучнаар шалгарч, нэр
хүндтэй American Music Awards, «Грэмми» шагналуудыг авсан билээ. 16
настай залуу хүүгийн концертын заал үзэгчдээр дүүрч, түүний «My World»,
«My World 2.0» альбомууд олон сая хувиар дэлхий даяар борлогдож байгаа
юм.
Гэхдээ авьяаслаг дуучны шүтэн бишрэгчдийн бодлыг хүн болгон
хуваалцаагүй бололтой. Жишээ нь: Британийн нөлөө бүхий New Musical
Express сэтгүүл түүнийг муу дуучин төдийгүй, орчин үеийн хамгийн
сонголт муутай хувцасладаг од гэж үзжээ. NME-ийн "анти-топ” жагсаалтын
дүнг сэтгүүлийн уншигчдын саналаар шалгаруулдаг. Уг сэтгүүлийн
уншигчдын ихэнхи нь рок хөгжимд хүндэтгэлтэй хандаж, поп дуучдын
бүтээлийг үл тоомсорлодог юм байна.
Жастин Лондонгийн NME-ийн шагналыг гардуулах ёслолд оролцохыг хүсээгүй
бөгөөд Мадам Тюссо-гийн лааны тосон музейг сонирхохыг илүүд үзжээ.
Музейг үзэх үед студийн мастер Биберийн хэмжээг авч, 150 мянган фунт
стерлингийн үнэтэй лааны тосон баримлыг нь хийхээр тохиролцжээ. Сарын
дараа шүтэн бишрэгчид нь Леди Гага, Эми Уайнхаус, Жастин Тимберлейк
нартай зэрэгцэн зогсох Жастин Бибертэй хамт зургаа авахуулж болох юм
байна.
|