CRoWS's site

                                     Нэг өдрийн хаан

Энгийн байх надад утга учиргүй мэт санагдана
Эндээс хурдхан мултрахын тулд хурдхан гүймээр санагдана
Гэвч тэнгэрийн хаяанд тулсан өндөр түймэр замыг маань хаана
Очих ёстой газраас тусгаарлагдана хананы наана цаана
Эндээ үлдвэл бүх зүйл энгийн энгийн бүхний дунд нь шингэнэ
Өөрийгөө нэг мөр мартаад болж хувирна дундаж нэгэн
Байж чадахгүй нь би хавчиг бөгчим жижиг завсар зайд
Ийм учраас эндээс явахаар гал дундуур би алхаж байна

Хананы нөгөө талд нь гарах замдаа би ядрана
Хөлөө би зөөж ядна нэг биш удаа би шантрана
Золиос зөндөө гаргана...

Тэр зүгрүү явж байгаа болохоор би
Эргэж буцаж огт болохгүй гэсэн цөөн хэдэн бодлуудыг толгойдоо хийнэ
Эсрэг талд нь байгаа зүйлүүд галны цаанаас бүдэгхэн
Сайн харагдахгүй байгаа ч гэсэн онгойлно би үүдийг нь
Хамаагүй ээ очих газрын зам нь хичнээн хол ч гэсэн
ядаж ганц өдөр хүссэн газраа очиж үзэхийн тулд тэснэ

Дахилт:

Нэг насаар энгийн байсанаас
Нэг өдөр хаан байсан нь дээр
Нэг насаар хэн ч биш байсанаас
Нэг өдөр хаан байсан нь дээр

Очих газараа ойртох тутам хийсэн сонголтондоо
эргэлзэх нь ихсэж эхлэнэ шийдсэн болохоор ондоо
Зүйлийн тухай бодохгүйг хичээж шүдээ зуугаад дээшилнэ
Ахисэн шатны тоо болгоныг үлдээхгүйгээр цээжилнэ
Өдөр хоног намайг огтхон ч хүлээхгүйгээр ээлжилнэ
Тийм болохоор би золиос болгон үнэтэй зүйлээ гээж байна
Хаа нэгтээ хүрэхийн тулд би олон үнэтэй юмаа гээж
Хүссэн газараа очисон ч гэсэн дүүрэн байхгүй миний цээж
Энэ бол миний золиос юм шийдсэн л болвол хориод нэмэр байхгүй
Нэг төвлөрсөн бол улайрсан бух шиг солиот хүн
Чи хэрвээ үүнийг сонсож байгаа бол би нэгэнтээ
Замыхаа талаас илүүг нь гаталчихсан байх вий дээ
Өөрийн бодол өөртөө ганцхан зөв биш гэдэг батлагдах
Хүртэл өөртөө тависан олон хэцүү давааг гатлах байх
Азаа үзэх цаг надад байхгүй бүтэх ёстой заавал энэ зүйл
Энэ түймрийн ард нь гартал алхах ёстой яагаад гэвэл

Нэг насаар энгийн байсанаас
Нэг өдөр хаан байсан нь дээр x2

Нэг өдөр хаан байсан дээр тэнд очих хаа байсын гээд
Бууж өгөх гэж бүү чи оролд арагшаагаа суухын оронд
Чиний хамгийн сүүлчийн боломж юм шиг тэр газраа заавал хүр
Эргэлзэх нь аргагүй чиний онгойлгосон хаалга бүр
Зөв байгаагүй урид нь гэхдээ нээж үзэхээс нааш мэдэхгүй
Энэ бол миний өдөр болгон өөртөө шивнэж хэлдэг зүйл
Дуртай зүйлийхээ Төлөө би хэцүү амлалтыг хийсэн
Олон амлалтууд дундаас ганц энэхүү амлалт минь биелнэ
Үзнэ энэ замынхаа эцсийг яарч байна үр дүнг нь мэдэхийг
Энэ бол хамгийн том шийдвэр
Бүх шийдвэрүүдийн минь нийлбэр
Энгийн зүйл хийх цаг зөндөө Хэн ч биш байх бас цаг надад зөндөө
Харин толин доторх зураг удахгүй алдана тов тод өнгөө
Тов тод өнгөө x3
Алдана тэр тов тод өнгөө
Азаа үзэх цаг надад байхгүй бүтэх ёстой заавал энэ зүйл
Энэ түймрийн ард нь гартал алхах ёстой яагаад гэвэл

Дахилт: Нэг насаар энгийн байсанаас
Нэг өдөр хаан байсан нь дээр X2
Нэг насаар хэн ч биш байснаас
Нэг өдөр хаан байсан нь дээр